Advertisement 
|
यदि ग्रह पूर्व पश्चिम उत्तर दक्षिण बायब्य आग्नेय, नेऋत्य तथा इशान मध्य कुैन पनि दिशामा राहु तथा केतुको माध्यमबाट थुनिएका छन् भने त्यस्तो कुण्डलीलाई कालसर्प योग भएको कुण्डली भनिन्छ । कालसर्प योग हजारौ किसिमका हुन्छन् तर अत्यन्त नकारात्मक प्रभाव दिने भने निकै कम हुन्छन् । अर्को कुरा अति घातक कालसर्प योग देखिएता पनि अन्य विभिन्न सकारात्मक योगका कारण कालसर्प योग निश्फल अथवा प्रभावहिन पनि हुन सक्छ । त्यो अवस्थामा जन्म कुण्डलीलाई राम्रो सँग विचार पुर्याउनु पर्ने हुन्छ अथवा राम्रो सँग कुण्डली अध्यापन गर्नु पर्छ ।
बढि अरिष्ट कारक कालसर्प योग
बासुकी कालसर्प योग
तृतिय तथा नवम् भावमा राहू तथा केतु रहेर अन्य भावमा सबै ग्रह
थुनिएको अवस्थामा बासुकी कालसर्प योग बन्छ । यसबाट जीवनमा यस्ता किसिमका नकारात्मक प्रभाव पर्छ ।
➢ भाइ बहिनी तथा परिवार बाट सदा कष्ट ।
➢ मित्र तथा आफन्तबाट सधै धोका ।
➢ गृहस्थ जीवनमा सधैभरी तिक्त्तता पति पत्नी बिच परस्पर कटुता, अविश्वास बैमन्स्यता तथा सम्भोगमा समेत असन्तुष्टी ।
➢ भाग्यले पटक पटक ठग्ने किनकी पराक्रम गरे अनुसार प्रतिफल आउदैन ।
➢ जीवनमा सधैभरी उताढ चढाब आउने ।
➢ नोकरीमा उताढ चढाब पदोन्तीमा अनेक रुकावट नखाएको विष पनि लागे जस्तो हुने ।
➢ विदेशमा अनेक परिशानी आउने ।
➢ कानूनी कागजातमा अरुको दबामा रहेर जबरजस्ती हस्ताक्षर गर्दा जेल नेल समेतको अत्याधिक सम्भावना ।
➢ नास्तिक भावको प्रधानता ।
➢ लगानी गरेको अथवा सर सापटी गरेको रकम टिका लागएर दक्षिणा दिए जस्तै कहिल्यै फिर्ता नआउने ।
पद्म कालसर्प योग
पञ्चम तथा एकादश स्थानको विचमा अन्य सबै ग्रह थुनिएर रहेको अवस्थामा पद्म कालसर्प योग बन्छ । यस्तो अवस्थामा जीवनमा विभिन्न किसिमका कठिनाइ आउछन् ।
➢ गृहस्थ अथवा पारिवारिक तालमेल कहिल्यै नमिल्ने ।
➢ सन्तान सुखको अभाव । सन्तान हुनै कठिनाई तथा भएता पनि शत्रु जस्ता सन्तान जन्मिने कहिल्यै माता पितलाई चैन सँग जीउन नदिने ।
➢ बृद्धा अवस्था अत्यान्त कष्टकर सन्तान बृद्धा अवस्थामा माता पिताको सेवा गर्नु पर्ला भनेर छिटै विदेश पलायन हुने ।
➢ शत्रुले पाइला पाइलामा नराम्रो कष्ट पुर्याउनुका साथै गोप्यरुपमा षड्यन्त्र रचि राख्ने ।
➢ जेल तथा काराबासको सजाय भोग्नुपर्ने ।
➢ अनेक अदृष्य रोगले सताउने । रोग ठिक हुन कठिन हुने भएकोले जीवनमा आधिक धन औषधी उपचारमा खर्च हुने ।
➢ चरित्रवान पत्नी या पति मिल्न कठिन ।
➢ जस्लाई विश्वास गर्यो उसैबाट विश्वासघात ।
➢ विद्या बुद्धिमा अनेक कठिनाई ।
कर्कोटक कालसर्प योग
राहु तथा केतु द्धितिय तथा अष्टम् स्थानमा रेहर अन्य
ग्रह बाँकी स्थानमा थुनिएको अवस्थामा कर्कोटक कालसर्प
योग बन्छ । यसबाट निम्न प्रकारका कठिनाई आइपर्छन् ।
➢ पैतृक धन सम्पत्ति नमिल्ने मिले पनि नाम मात्रको ।
➢ पटक पटक आर्थिक संकट झेल्नु पर्ने ।
➢ अथक प्रयास गर्दा पनि व्यापार व्यवसायमा सधै नोक्सान ।
➢ अचानक तथा अकाल मृत्यु ।
➢ सच्चा मित्र कहिल्यै नमिल्ने । धन हडप्ने , ढोका दिने तथा कुमार्ग तर्फ लैजाने व्यक्ति मात्र साथी बन्ने ।
महापद्म कालसर्प योग
राहु छैठौं स्थान तथा केतु बार्हौं स्थानमा रहेर अन्य स्थानमा बाँकी ग्रह थुनिएर बन्ने योगलाई महापद्म कालसर्प योग भनिन्छ । यस्तो योगले जीवनमा अनेक कठिनाइ निम्त्याउछ ।
➢ प्रेम सम्बन्ध सधै असफल तथा गृहस्थ सुखमा सधै शुन्यता ।
➢ पति अथवा पत्नीले एकको भावनालाई अर्काले कहिल्यै बुझ्ने कोशिष नगर्ने ।
➢ लामो आयु भएता पनि रोग, शोक शारीरिक तथा मानसिक समस्याले सताई राख्ने ।
➢ अति घटिया चरित्रका कारण समाजमा कंलकित हुनु पर्ने ।
➢ मनमा अत्यान्त नकारात्मक सोच आइराख्ने ।
➢ बुद्धावस्था कष्टप्रद एवं रोग दायक हुने ।
➢ यदि आध्यात्मिक सहारा लिइएन भने अत्यान्त कष्ट सँग मृत्यु हुने ।
तक्षक कालसर्प योग
यदि सप्तम् स्थान तथा लग्नमा राहु तथा केतु रहेर बाँकी ग्रह अन्य स्थानमा रहँदा हुदा बन्ने योगलाई तक्षक कालसर्प योग भनिन्छ । यस योगले निम्न प्रकारका कठिनाइ निम्त्याउँछ ।
➢ मानसिक अशान्ति ।
➢ मनमा अनेक विचार आउने तर पुरा नहुने ।
➢ बेलुका ठुला ठुला प्लान बनाउने प्राप्त सबै क्यानसिल गर्ने ।
➢ सन्तान अभाव ।
➢ स्त्री तथा पति सुखमा न्यूनता ।
➢ जीवनमा अत्यन्त उथल पुथल ।
➢ पैतृक सम्पत्ति अचानक नष्ट ।
➢ जीवनमा पटक पटक जेलनेलको परिशानी ।
➢ शत्रु पक्ष सधै माथि पर्ने ।
➢ रोग व्याधी लागि सकेपछि छिटो निको नहुने ।
शंखपाल कालसर्प योग
यदि राहु चतुर्थ तथा केतु दशम् भावमा रहेन अन्य ग्रह बाँकी स्थानमाथुनिएर रहेको अवस्थामा शंखपाल कालसर्प योग बन्दछ । यस्को निम्न प्रकारका नकारात्मक प्रभाव पर्दछ ।
➢ धन धान्य, सुख समृद्धि तथा चल अचल सम्पत्तिमा न्यूनता आउँछ ।
➢ पैतृक सम्पत्ति प्राप्तिको लाति अनेक कठिनाई झेल्नु पर्छ ।
➢ भाइ, बहिनी तथा माता पिता समेत बैरी जस्तो हुने भएकोले जीवनमा अत्यान्त नैराश्यता आउँछ ।
➢ नोकर चाकरबाट गुप्त रुपमा अत्यान्त परिसानी ।
➢ आफुभन्दा कम क्षमता भएका व्यक्तिले पनि सधै तल पार्ने ।
➢ नोकरीमा अपजस । पदोन्नतिमा सधै कठिनाई ।
➢ अनिद्रा तथा मानसिक समस्या ।
नोट ः– कालसर्प दोष हजारौं भएतापनि बढी नोक्सान गर्ने सिमित मात्र हुने भएकोले पहिचान गरेर निवारण गरेमा धेरै सहजता प्राप्त हुन्छ ।
काल सर्प योग कम प्रभावसालि हुने अवस्था ।
केन्द्रमा स्वगृह अथवा उच्च गुरु , शुक्र, शनि, मंगल, सूर्य, चन्द्र मध्ये एक उच्च सहित चार ग्रह को युति भएमा ।
* कुण्डलीमा लक्ष्मी योग भएमा ।
* उच्च रबि या उच्च बुधसहितको बुधादित्य योग भएमा ।
* लक्ष्मी नारायण योग भएमा ।
* गज केशरी योग भएमा ।
* पञ्चमहापुरुष योग भएमा ।
यस्तो अवस्थामा कालसर्प योग छ भनेर डाराउनु पर्दैन । किनकी यि योग परेको जातकको काल सर्प योग स्वभाविक रुपमा निश्फल हुन्छ ।
कालसर्प योग अत्यान्त कष्टदायक हुने अवस्था ः
यदि कुण्डलीमा – नन्दीयोग छ भने ।
यदि कुण्डलीमा – जडत्व योग छ भने ।
यदि कुण्डलीमा – अंगारक योग छ भने ।
यदि कुण्डलीमा – अभोक्त्वक योग छ भने ।
यदि कुण्डलीमा – सूर्य ग्रहण योग छ भने ।
यदि कुण्डलीमा– चन्द्र ग्रहण योग छ भने ।
यदि कुण्डलीमा – चाण्डाल योग छ भने ।
0 comments
प्रतिक्रिया दिनुहोस्...